Archive for the ‘تنفيسات صدر’ Category

ناس نفسي احطهم على صاج كودو

2009/09/12

فيه ناس ينكرهوا ونقول ماشي مستحيل نحب كل واحد في العالم .. وفيه ناس نفسك تسوي فيهم شورما .. بعضاً منهم  :


  • الناس الي شايفين نفسهم اذكياء و سريعين وحِمْشين خاصةً لما يسوقوا

زي اليوم وانا مبسوط اقضيلي شوية عفش وماشي في طريقي ماتشوف إلا راعي كابريس كان ابو جهل يخمس به قدام الشالية تبعة يخش علي .. انا صرت كيذه 👿 واحط يديني ورجليني على البوري والحمد لله ربنا ستر

ولو صار شيء كان نزلت كفخته إلين ماينزل صطل دموع.


  • الي يلبس شماخ لونة رايح كانه وارث الشماغ عن جده السابع عشر وشايف نفسه قمر في ارض ربنا ويتسلتح وحاط شماغة كانه اذان عنز سواكني ولما تسأله اشبك حاط الشماغ كيذه قال “بنت البكار” عساه بحمار يعظه ان شاء الله

طيب يلا ماشي خلينا من شماغ العنز يمكن نيته طيب ويسوي الشماغ كيذه لانه يحب عنزة فما يبغاها تتحسر على

اذانها الطويلة .


  • البنت إلي تلبس عبايا اكمامها زي الكوبري ابو شفاطات إلي يوديك على الحرم .


  • البنت الي شايفة نفسها حلوة وتتدلع وفي النهاية تأتي الفاجعة الكبرى >> والله ذي احلى


  • الشباب الي يتجمعوا او يتكدسوا في سيارة يلا تشيل خمس انفار فتصير السيارة زي زريبة الغنم ويلا اذية في بنات الناس ويرفع صوت المسجل إلين يسَمِع دول الجوار وفي النهاية تطلع اغنيه الحمير بطلت تسمعها .


  • البدو الي بدال ما ينظف سيارته يجب تراب الله يكرمكم ويلطخها بعد الحركة ذي  He’s The King


  • الي يسوي نفسه قوي ومشمر اكمامه ويحرك راسه يميناً وشمالاً كانه بعير وفي النهاية تنزله اخوك الصغير يفرشه.


  • الواحد الي لسانه زي الزفت ماعنده إلا سب وصراخ ولعن  .
  • راعي المحل إلي يقلك “والله هذا نبيعه ب65 لكن عشانك يلا خدو ب 50 ” وفي النهاية يطلع سعرها الحقيقي 50 .
  • الي يتكلم بالجوال ويعلي صوته إلين يصير زي صوت اذان مسجدنا.

عارف انه واحد حيجي يقلي ياخي حرام عليك تحش وتسب في الناس ولا تنسى نحنا في العشر الاواخر

حقله : معاك حق ياعمي لكن والله ما كتبت هذا البوست إلا لاننا نلاقي هذول في مجمعنا وكل يوم مقابلينهم

ونقول من راقب الناس مات هماً لكن اذا وصلو لاذيتك ايش حتسوي ؟!

الله يهديهم بس ويصيروا ناس نفتخر فيهم

في امان الله ..

!فن تشريد الزوار

2009/08/26

في هذه الايام كثرة المواقع إلى تفتح الصفحة ماتشوف إلا خمسين شات منفتح في وجهك

ولا الاعلانات إلي حاطينها ماأعتقد ان الي صمموها بشر أو انهم بدون عيون

ابغى كيف يفكروا اصحاب هذي المواقع ?!

يعني زوار مواقعهم صبورين لذي الدرجة بالنسبة لي لو انه اكبر موقع على الانترنت بسيبة وامشي

والله غريبين هاذول الناس لا والي يقهر انه فيه مواقع كويس وتعتبر عملاقة في الانترنت ومسوين هذه الشغلات

(more…)